Виртуальный музей
Национальной библиотеки Республики Саха (Якутия)

Ахтыы

Ахтыы

Мин, Христофорова Александра Афанасьевна, Якутскай куоракка киирэн сибээс техникумугар оператор курсун бүтэрэн, почтамҥа үлэлээбитим. Ол кэниттэн Якутское производственное предприятие Добровольное общество книголюбов диэн тэрилтэ аһыллан онно үлэҕэ киирбитим. Онно Большакова Альбина Алексеевна баар этэ.
Биһигини, үлэҕэ киирбиттэри типография имени Гагарина переплетное дело диэн курска үөрэттэрэ ыыппыттара. Мин онно үөрэнэн төрдүс разрядтаах переплетчик буолбутум. Альбиналыын иккиэн бииргэ үлэлээбиппит. Улуустартан, куорат тэрилтэлэриттэн альбомнары, папкалары, удостоверениелары, приветсвеннай аадырыстары сакаас быһыытынан ылан оҥортуур этибит. Онно Пушкин библиотекатыттан кэлэн хаһыат переплетун уонна папка оҥоттороллоро. Варвара Семеновна биирдэ сакаас оҥоро кэлэ сылдьан Эһиги бу биһиэхэ наадалаах дьон сыдьар эбиккит, арай библиотекаҕа переплетнай сыах аһыллар түгэнигэр биһиэхэ кэлиэххит этэ дуо диэн ыйыппыта. Биһиги барыа этибит диэбиппит. Биирдэ кэлэн сыах аһыллар буолла, кэлэҕит дуо диэбитигэр сөбүлэспиппит. Ити, 1991 сылга Пушкин библиотекатыгар үлэлии барбыппыт. Тэрилтэбититтэн кумааҕы, картон, клей илдьибиппит уонна үлэлээн барбыппыт. Бастаан периодикаттан хаһыат переплетун оҥорор этибит. Онтон үһүс киһини, Барашкова Таисия Филипповнаны үлэҕэ ылбыппыт.
Центр реставрации Библиотечных фондов диэн ааттаммыппыт. Читальнай заллартан кигигэни былаан быһыытынан ылан барбыппыт. Бухгалтерия, отдел кадров докумуоннарын переплеттаабыппыт. Читательскай билеттэри, приветственнай аадырыстары, конверт для методистов оҥортообуппут. Таисия Филипповна барбытын кэннэ Струкина Розалия Дмитриевна үлэҕэ киирбитэ. 10 сыл үлэлээн кэҥээбиппит, улааппыппыт. Центр сохранности библиотечных фондов диэн буобуппут. Онно заведующайынан Варвара Семеновна Божедонова анаммыта. Эбии үлэһиттэр кэлбиттэрэ. Улуустартан уонна куорат библиотекаларыттан переплетчиктары үөрэтэлээбиппит. Араас мероприятиеларга кыттар этибит. Конференцияларга, библионочтарга кыттан мастер класстары ыытар этибит. Платонов А.Г. үлэҕэ киирбитэ. Альбина Алексеевна барбытын кэннэ Платонова С.П. үлэҕэ киирбитэ. Платоновтар Уус Алдан улууһун Сыырдаах библиотекатыгар үлэлии барбыттара.
Светлана Петровна оннугар Варламова Вера Николаевнаны үлэҕэ ылбыппыт. Онтон кэлин Атласов П.Н. киирбитэ. Барыларын үөрэтэлээбиппит. Манна кэлэн библиотекаҕа сайдыы бөҕө. Араас конференциялар, көрсүһүүлэр, субуотунньуктар, концертар буолаллара.Онно барытыгар кыттан иһэр этибит. Мин үлэлээбитим 50 сыла буолар. Онтон библиотекаҕа үлэлээбитим 2021 сылга 30 сыла буолар. 26 сыл заведующайдаатым, главнай библиотекарьдаатым. 2020 сылтан специалист по массовой консервации буолан үлэлии сылдьабын. Библиотекабар махталым улахан.
Манна үлэлээн 4 оҕобун үрдүк үөрэхтээтим. Сорохтор иккис үөрэхтэрэ. Биир уол технническэй наукалар кандидаттара. Үлэлээхтэр, ыаллар, сиэннэрдээхпин.

Үлэлиир кэммэр грамоталарынан наҕараадаламмытым, отличник культуры буолбутум, Бочуот Кинигэтигэр киирбитим. Үлэлээбит библиотекабын, отделбын үчүгэйдик саныыбын, махтанабын. 

Христофорова Александра Афанасьевна, библиотечнай үлэ ветерана, СР культуратын туйгуна